ഡ്രൈവിംഗ് ലൈസൻസ് ഇല്ലാതെ സ്കൂൾ ബസ്‌ ഡ്രൈവർ:മോട്ടോർ വാഹന വകുപ്പ് ഉദ്യോഗസ്ഥർ വളയം പിടിച്ച് വിദ്യാർത്ഥികളെ സുരക്ഷിതമായി വീടുകളിൽ എത്തിച്ചു

കൊല്ലം: വെളിച്ചിക്കാലയിലെ ഒരു സ്വകാര്യ പ്രി പ്രൈമറി സ്കൂളിലെ വാനാണ് കൊല്ലം ആർ.ടി.ഒ എൻഫോഴ്സ്മെൻറ് പിടികൂടിയത്. ഡ്രൈവർക്ക് സാധുതയുള്ള ഡ്രൈവിംഗ് ലൈസൻസ് ഇല്ലാത്തതിനാൽ, മോട്ടോർ വെഹിക്കിൾസ് ഇൻസ്പെക്ടർ രാംജി.കെ.കരൻ വാഹനം ഡ്രൈവ് ചെയ്ത് വിദ്യാർത്ഥികളെ വീടുകളിൽ എത്തിക്കുകയായിരുന്നു. ഈ വാഹനത്തിന് നികുതിയും അടച്ചിരുന്നില്ല. റോഡ് സുരക്ഷ വാരത്തിൻ്റെ ഭാഗമായി ജില്ലയിൽ സ്കൂൾ ബസുകൾ കേന്ദ്രീകരിച്ച് നടന്ന പരിശോധനയിലാണ് സംഭവം. നിയമവിരുദ്ധമായി ബാനറുകളും പരസ്യങ്ങളും പതിച്ച നിരവധി വാഹനങ്ങൾക്ക് താക്കീത് നൽകി.അസി. മോട്ടോർ വെഹിക്കിൾ ഇൻസ്പെക്ടർ നജുമലും പരിശോധനയിൽ പങ്കെടുത്തു.